سالوفة ابو سرهيد

ﮔامتْ هيبة يا بو اللّيل وخيوط الفجر طرزَنْ وراك اخبار عَالمكشوف يا خنجر عَلِمياسر عليه اسم الحزب معكوف يمْوصّل مكاتيب العرس للماوراهم غير الفناجين والديّان وسالوفة وكتْ غـزلو عليها العمر ريحة صوف يمسوّي الـﭽـلاچ الخيزان أنهار من لون البنفسج وحدكْ السكّان والشادوف يلْوحدك من تسولف،  اشوفن كل حرف منّك مشطْ ياكل سبعْ طلقات وكل ركزة ذهب، والشين حمالة صبر وسيوف اسولفلك اسولفلك  سوالف ليل،  وحصيني نفط، واحزاب اجاهه الموت طرگ الله وكراسي بالوزارة.. ولبستْ النفنوف خل يـﮕـعد فهد ويشوف يغاتي بغيبتك ﮔام الشـﮔنـﮓ، والبثل، والزبل، والخريط وانته تـﮔلي لو خيط الفجر بيّن.. الزمو الخيط، ولتعوفوه ما ﭽذّبت! لكن ﮔلّي وين الخيط؟ وين الخيط؟